Kahit pirmahan ni PBBM ang batas na magpapaliban sa BSKE, paghahanda ng Comelec tuloy lang ayon kay Chairman Garcia

Itutuloy lang ng Commission on Elections ang paghahanda para sa pagdaraos ng Barangay at Sangguniang Kabataan Elections kahit pa malagdaan ni Pangulong Ferdinand Marcos Jr. ang batas na magpapaliban dito.

Sinabi ni Comelec Chairman George Erwin Garcia, hindi kasi imposibleng mangyari na kapag naisabatas ang pagpapaliban sa BSKE ay mayroong dudulog sa Korte Suprema para umapela.

Hindi rin pwede ayon kay Garcia na hindi isagawa ang voter registration dahil kailangang makapagparehistro ng mga kabataan na edad 15 hanggang 17 na boboto sa SK elections.

Sa datos ng Comelec, mayroon nang 68,495,961 voters sa buong Pilipinas base sa katatapos lamang na May 12 elections.

Target ng Comelec na makapagdagdag na 1 milyong bagong botante sa sampung raw na voter registration. (DDC)