100K IPs target na maiparehistro sa sampung araw na voter registration

Target ng Commission on Elections na matulungang makapagparehistro ang hanggang 100,000 Indigenous Peoples sa nagpapatuloy na voter registration para sa Barangay at Sangguniang Kabataan elections.

Pahayag ito ni Comelec Chairman George Erwin Garcia sa kaniyang pagbisita sa Special Registration of Voter for Indigenous People Community sa Sitio Monicayo, Barangay Calumpang, Mabalacat City, Pampanga.

Ayon kay Garcia, inilapit ng Comelec sa lugar ng mga IP ang pagpapahirestro para hindi na nila kailangang maglakad o bumiyahe ng malayo para makapagparehisto.

Maliban sa Pampanga ay ginagawa din niya ito sa iba pang bahagi ng bansa, para masiguro na ang mga IPs ay mabibigyang pagkakataon na makaboto sa eleksyon. (DDC)