Mga Pinoy sa Japan pinaiiwas sa tabing-dagat; mga nakatira malapit sa coastlines pinalilikas muna sa mas mataas na lugar

Inabisuhan ng Philippine Embassy sa Tokyo ang mga Pinoy sa Japan na manatiling alerto at sundin ang utos ng mga otoridad.

Kasunod ito ng tumamang malakas na lindol sa Russia na nagbunsod sa Japan Meteorological Agency na mag-isyu ng Tsunami Warning.

Ayon sa embahada, batay sa babala ng JMA, maaaring umabot sa hanggang tatlong metro ang taas ng alon sa mga baybayin ng northern Japan, western Japan at southern Japan.

Kung nakatira o namamalagi sa lugar na sakop ng tsunami warning, mainam na lumikas muna sa mas mataas na lugar at umiwas muna sa pananatili sa beaches at coastlines.

Tiyakin din dapat na fully charged and cellphones at may handang emergency supplies. (DDC)