Pang. Marcos dapat suportahan din ang imbestigasyon ng senado sa palpak na serbisyo ng pribadong water companies

Umaasa si Senator Risa Hontiveros na susuportahan ni Pangulong Ferdinand Marcos Jr. ang imbestigasyon ng Senado sa palpak na serbisyo ng mga pribadong water companies.

Kasunod ito ng pagbanggit ng pangulo sa kaniyang State of the Nation Address na pinakilos na niya ang Local Water Utilities Administration para papanagutin ang mga water districts at joint ventures dahil sa palpak na serbisyo.

Ayon kay Hontiveros naghain siya ng resolusyon sa Senado para maimbestigahan ang serbisyo ng pinakamalalaking water companies na mayroong joint venture agreement sa mga water districts.

Kabilang dito ang Prime Water, Manila Water at Metro pacific Water.

Sinabi ng senadora maliban sa umano ay disadvantageous conditions sa mga kontratang pinasok ng mga kumpanya, ay hindi rin nasusunod ang kanilang catch-up plan at hindi rin nakikita ang aktwal na resulta sa ibinibigay nilang serbisyo sa kanilang consumer.

Sinabi ni Hontiveros na hindi pwedeng hayaan lamang ang paghihirap ng mga consumer na nagtitiis sa mahina at pasulpot-sulpot lamang na suplay ng tubig. (DDC)