P20 per kilo na bigas ilulunsad sa buong bansa – PBBM

Ilulunsad na sa buong Pilipinas ang Bente Pesos per kilo na bigas.

Sa kaniyang State of the Nation Address sinabi ni Pangulong Ferdinand Marcos Jr. na available na ang bente pesos na bigas sa iba’t ibang lugar sa Luzon, Visayas at Mindanao.

Dahil dito ay napatunayan niya ng gobyerno na kayang maibaba sa bente pesos ang presyo ng bigas nang hindi nalulugi ang mga magsasaka.

Sinabi ni Pangulong Marcos na sa P113 billion na pondo na ilalaan sa Department of Agriculture ay inaasahang mas mapapalakas pa ang programa sa pagbebenta ng murang bigas.

Daan-daang Kadiwa Stores at Centers aniya ang target na mabukasan sa LGUs sa bansa.

Nagbabala din ang pangulo sa mga rice trader na magtatangkang magmanipula ng presyo ng palay o bigas at manloloko sa magsasaka.

Ayon sa pangulo, anumang pagtatangkang pagmanipula sa presyo at panloloko ay ituturing ng gobyerno na kaso ng economic sabotage. (DDC)