Pasig LGU magbibigay ng P5K hanggang P30K na cash incentives sa mga taga-lungsod na nagtapos ng may honors

Nagsimula nang tumanggap ng aplikasyon ang Pasig City LGU para sa pagbibigay ng insentibo sa mga nagtapos ng kolehiyo na mayroong honors o parangal ngayong taong 2025.

Ayon sa abiso ng Pasig City PIO, lahat ng nagtapos na mayroong honors ay maaaring nang mag-apply simula ngayong araw July 28 hanggang sa August 11, 2025.

Ang mga nagtapos sa Baccalaureate courses – Bachelor of Science at Bachelor of Arts ay tatanggap ng sumusunod na cash incentives:

1. Summa Cum Laude – P30,000
2. Magna Cum Laude – P25,000
3. Cum Laude – P20,000

Ang mga nagtapos naman ng 2 to 3 years Technical-Vocational Courses at Diploma Courses ay mayroong tatanggaping cash incentives na:

1. Valedictorian / Gold Medal Award – P10,000
2. Salutatorian / Silver Medal Award – P5,000

Paalala ng Pasig PIO, tiyaking kumpleto ang requirements sa paghahain ng aplikasyon kabilang ang
diploma o certificate of honors na kanilang natanggap. (DDC)