MPT South nagbigay ng tulong sa mga naapektuhan ng Habagat at bagyo sa mga komunidad ng CAVITEX at CALAX
Matapos ang pananalasa ng nagdaang bagyo at pinaigting pa ng Habagat na puminsala sa bahagi ng Metro Manila, Cavite, at Laguna,kaya agad naglunsad ng relief operations ang Metro Pacific Tollways South (MPT South), ang yunit ng Metro Pacific Tollways Corporation (MPTC) upang tulungan ang mga apektadong komunidad na nasa Manila-Cavite Expressway (CAVITEX) at Cavite-Laguna Expressway (CALAX).
Mabilis na nakipag-ugnayan ang MPT South sa mga local government units (LGUs) na nakakasakop sa mga komunidad na nakahanay sa naturang expressways upang ipamahagi ang kabuuang 3,000 na relief packs para sa mga pamilyang pansamantalang lumikas dahil sa malawakang pagbaha.
Inanunsyo rin ng kumpanya ang plano nitong palawakin ang suportang ito para sa public utility vehicle (PUV) drivers at operators na dumadaan sa CAVITEX kung saan ang kanilang kabuhayan at mobilidad ay natigil din ng ilang araw bunga ng walang tigil na pag-ulan.
“We’re more than just a tollway operator. We are part of these communities—committed partners and neighbors who show up, especially in times of crisis,” sabi ni Elnora D. Rumawak, Officer-in-Charge ng MPT South.
“We understand the hardships that our communities are facing, and we are here to help ease their burden,” dagdag pa nito.
Ang inisyatibong relief ay bahagi ng MPT sa mas malawak nitong pangakong panlipunang responsibilidad at pagtugon sa sakuna o kalamidad, na nagpapatibay ng kanyang gampanin hindi lamang sa imprastraktura kundi sa pangangalaga rin ng komunidad. (Bhelle Gamboa)
