4 na lalaki huli sa ‘pot session’ sa loob ng Taguig evacuation center
Nahuli sa aktong gumagamit umano ng ipinagbabawal na gamot ang apat na katao sa loob ng evacuation center sa Hagonoy Sports Complex, Barangay Hagonoy, Taguig City nitong gabi ng Miyerkules.
Nagsasagawa ng routine patrol at visibility operations ang mga operatiba ng Sub-Station 9 ng Taguig City Police Station sa pangunguna ni Cpt. Johnny S. Sianen na matiyempuhan ang mga suspek na sina alyas “Nico” 20-anyos, alyas “Michael” 51-anyos,alyas “Eugene” 48-anyos, at alyas “John Patrick” 25-anyos, na sinusuri at naghahanda ng hinihinalang ilegal na droga na malinaw na isang drug pot session.
Nakumpiska ang tinatayang 3.1 na gramo ng umano’y shabu na nagkakahalaga ng P21,080.00 na sanhi ng kanilang agarang pagkaaresto.
Sasampahan ang apat na suspek ng kasong paglabag sa Comprehensive Dangerous Drugs Act of 2002.
Mariing kinundena ni BGen Randy Y. Arceo, Acting District Director ng Southern Police District, ang masamang gawain ng mga suspek sa loob mismo ng evacuation center na isang pampublikong lugar na nagsisilbing pansamantalang matutuluyan ng mga naapektuhan sa baha habang pinuri naman nito ang mabilis na pagtugon ng otoridad.
“It is both outrageous and completely unacceptable that an evacuation center—a place meant to provide refuge and safety—was turned into a site for illegal drug use. This blatant disregard for public spaces and human decency demands firm and immediate action. I commend the alertness and determination of the Taguig Police in swiftly putting a stop to this activity. Let this serve as a stern warning: the Southern Police District will never allow criminals to operate, especially not in places where our most vulnerable citizens seek shelter,” pahayag ni BGen Arceo. (Bhelle Gamboa)
