Mayor April Aguilar pinangunahan ang emergency briefing ng Habagat Response sa Las Piñas City
Pinangunahan ni Mayor April Aguilar ang emergency operations briefing kasunod ng matinding baha na tumama sa Las Piñas City na dulot ng malalakas na ulan simula nitong hatinggabi at sinabayan pa ng high tide mula sa Manila Bay kaninang umaga.
Sa ulat ng City Disaster Risk Reduction and Management Office (DRRMO) nagsimula dakong alas-12:44 ng madaling araw ang malalakas na ulan na sanhi na mabilis na pagtaas ng mga tubig sa ilang barangay.Nakadagdag pa sa sitwasyon ang 1.2-meter high tide mula sa Manila Bay bandang alas-7:00 ng umaga na sanhi ng malawakang pagbaha sa mababang lugar sa lungsod.
Dakong 10:00 ng umaga, nasa 17 na barangay ang apektado, 146 na lugar rito ang binaha kung saan 504 na pamilya o 1,669 na indibiduwal ang inilikas patungong 17 designated evacuation centers na nasa pamamahala ng lokal na pamahalaan.
Dumalo sa briefing ang city department heads kasama na rito ang DRRMO, City Environment and Natural Resources Office (CENRO), City Engineering Department, City Health Office, City Social Welfare and Development Office (CSWDO), at ng Public Information Office, na pawang nagbigay ng updates sa sitwasyon at patuloy ang koordinasyon para sa mga pagtugong aksyon. Sumama rin si District 1 City Councilor Robert Cristobal sa talakayan ukol sa resource deployment at suporta sa komunidad.
Bilang tugon sa emergency calls, nagdeploy ang Las Pin̈as ng 14 response teams na binubuo ng 94 personnel kabilang ang mga yunit para sa water search and rescue, evacuation support, at debris clearing.Nasa kabuuang 53 na rescue requests ang natanggap kung saan 30 rito ang nakumpleto na.
Kinumpirma rin ni Mayor Aguilar na ang mga relief goods mula sa Department of Social Welfare and Development (DSWD) ay ipamamahagi ngayong araw ng Martes na tutukan ng CSWDO para sa mga apektadong pamilyang Las Pinero na nasa evacuation centers.
Ang Las Piñas City Government ay nananatiling nakaalerto at patuloy ang puspusang pagmomonitor sa kondisyon ng panahon. (Bhelle Gamboa)
