DILG Sec. Jonvic Remulla binigyang kapangyarihan ng Malakanyang para magdeklara ng class suspension

Binigyang otorisasyon ng Palasyo ng Malakanyang si Interior and Local Government Secretary Jonvic Remulla para magdeklara ng suspensyon ng klase kapag mayroong nararanasang kalamidad o sama ng panahon.

Ayon sa DILG, ang magiging deklarasyon ng kalihim ay ibabase sa rekomendasyon ng National Disaster Risk Reduction and Management Council.

Kinumpirma ni Presidential Communications Office Secretary Dave Gomez na si Remulla ay binigyan ng kapangyarihan na mag-anunsyo ng suspensyon kapag panahon ng national emergencies.

Bilang NDDRMC Vice Chairperson for Disaster Preparedness, tiniyak naman ni Remulla sa publiko na hangga’t maaari ay gagawin ng maaga pag-aanunsyo ng class suspension.

Nilinaw din ng DILG na bagaman si Remulla ang binigyan ng otorisasyon para magdeklara ng class suspension, ang Department of Education at ang Local Government Units ay maaari pa ring mag-isyu ng suspensyon depende sa lagay ng panahon sa kanilang nasasakupan. (DDC)