Pang. Marcos iniutos ang suspensyon ng lahat ng SONA-related activities; mga ahensya pinatututok sa disaster response

Pinasususpinde ni Pangulong Ferdinand Marcos Jr ang lahat ng SONA-related preparations.

Ayon sa pahayag ni Executive Sec. Lucas Bersamin na ibinahagi ng Presidential Communications Office, nadismaya ang pangulo sa ulat na itinuloy ang pagkakabit ng SONA-related materials sa kabila ng dinaranas na kalbaryo ng mamamayan.

Inatasan ng pangulo ang Department of Public Works and Highways at lahat ng concerned agencies na tutukan ang flood response at relief operations.

Sinabi ni Bersamin na malinaw ang direktiba ng pangulo na dapat nakatutok ng lahat ng ahensya ng gobyerno sa pagtitiyak ng kaligtasan at kapakanan ng mamamayan lalo na ngayong nakararanas ng kalamidad.

Bago ito ay nakuhanan ng larawan ang mga tauhan ng DPWH na nagkakabit ng larawan ng pangulo sa ilang bahagi ng Quezon City bilang paghahanda sa nalalapit niyang SONA. (DDC)