One Repatriation Command Center ng DMW mananatiling operational

Sa kabila ng work suspension sa mga tanggapan ng gobyerno ay mananatiling operational ang hotline ng One Repatriation Command Center ng Department of Migrant Workers para umasiste sa mga overseas Filipino workers.

Sa abiso ng DMW, ang mga OFW na mangangailangan ng agarang tulong ay maaaring tumawag sa kanilang 24/7 hotline na 1348 DMW-OWWA o kaya ay magpadala ng email sa repat@dmw.gov.ph

Bukas din ang DMW Migrant Workers Airport Assistance Centers sa Terminals 1 at Terminal 3 ng Ninoy Aquino International Airport para magserbisyo sa mga paalis na OFW.

Operational din ang OFW Lounges sa NAIA kung saan maaaring manatili ang mga OFW at mag-avail ng libreng pagkain at flight rebooking assistance. (DDC)