Bata patay sa sunog sa Las Piñas City

Patay ang isang 7-taong gulang na babae habang 50 na pamilya ang nawalan ng tirahan matapos sumiklab ang sunog sa residential area sa Ube at Ugnayan Streets, Golden Acres, Barangay Talon Uno sa Las Pin̈as City.

Ang bangkay ng bata ay natagpuan sa loob ng comfort room ng kanilang nasunog na bahay kung saan suffocation ang sanhi ng kanyang pagkamatay.

Sa inisyal na ulat, umabot sa ikalawang alarma ang sunog bago ito tuluyang naapula.

Nahirapan ang mga bumbero sa pag-apula ng sunog dahil pawang gawa sa light materials ang mga kabahayan.

Pansamantalang nanunuluyan ngayon ang mga nasunugan sa Golden Acres Covered Court. (Bhelle Gamboa)