QC LGU pinahinto ang operasyon ng isang tindahan ng auto parts dahil sa expired na permit

Isinilbi ng Business Permits and Licensing Department ng Quezon City LGU ang cease and desist order laban sa Karmanila 69 Trading sa Barangay Bahay Toro sa lungsod.

Ito ay dahil sa paglabag ng nasabing auto parts shop sa Quezon City Revenue Code of 1993.

Matapos ang joint inspection ng BPLD at Department of Sanitation and Cleanup Works, nalamang nag-o-operate ang auto parts shop gamit ang expired na Mayor’s permit.

Lumabag din ang shop sa Quezon City Environment Code dahil sa pag-dispose ng langis sa drainage at magulong pagsasalansan ng gamit na maaaring maging sanhi ng health hazard.

Binigyan ng limang (5) araw ang establisimyento para mag-comply sa requirements ng lungsod. (DDC)