Payo ng DA sa mga magsasaka: Matured crops anihin na, farm inputs ilagay sa ligtas na lugar
Pinayuhan ng Department of Agriculture (DA) ang mga magsasaka sa mga lugar na maaapektuhan ng bagyong Crising na anihin na ang kanilang pananim na pwede nang maani.
Sa inilabas na abiso ng ahensya, binilinan din ang mga magsasaka na ilagay sa ligtas na lugar ang kanilang seed reserves, planting materials, at iba pang farm inputs.
Tiyakin ding sapat ang pagkain ng mga alagang hayop sakaling kailanganin silang ilikas.
Para sa mga mayroong fish pen, ipinayo ng DA na magsagawa na ng early harvest.
Ang mga mangingisda naman ay pinayuhang ilagay sa ligtas na lugar ang kanilang mga bangka at sundin ang abiso ng mga otoridad kaugnay sa pagpalaot. (DDC)
