Bagong Mobile Motor Vehicle Inspection Facility magagamit na ng LTO

Dumating na sa tanggapan ng Land Transportation Office o LTO sa Quezon City ang karagdagang Mobile Motor Vehicle Inspection Facility (MVIF) na magagamit sa pagtitiyak ng roadworthiness ng mga sasakyan lalo na ang mga ginagamit pampasada.

Ayon kay LTO Acting Assistant Secretary Atty. Greg G. Pua Jr., ang mga bagong unit ay ikalawa sa apat na na MVIF Units na binili ng LTO.

Bawat MVIF ay may kakayahang mag-inspeksyon ng Light Duty Vehicles (LDVs) at Heavy Duty Vehicles (HDVs).

Gumagamit ito ng fully automated system na kumukuha at nagtatala ng real time na resulta.

Ayon kay Pua makatutulong ito sa hakbang ng LTO sa pag-inspeksyon ng mga bumibiyaheng sasakyan upang matiyak na ligtas pang gamitin ang mga ito. (DDC)