Lola timbog sa ilegal na pagbebenta online ng chainsaw machine sa Kidapawan City

Isang 65-anyos na lola ang naaresto ng mga otoridad sa Kidapawan City makaraang mabuking ang ilegal nitong pagbebenta sa online ng chainsaw machine na ginagamit pamputol sa malalaking punong-kahoy.

Ikinasa ng pinagsanib na pwersa ng PNP Regional Anti-Cybercrime Unit 12 at DENR 12–PENRO Cotabato ang operasyon laban sa suspek sa Brgy. Sudapin, Kidapawan City.

Iniaalok ng babae ang ’36-inch chainsaw’ sa Facebook Marketplace.

Nakumpiska sa operasyon ang ibinebentang chainsaw, mobile phone at marked money.

Mahaharap ang suspek sa kasong paglabag sa Chainsaw Act of 2002 (RA 9175) at Cybercrime Prevention Act (RA 10175). (DDC)