Pang. Marcos, DOE Sec. Garin nagsagawa ng fly-by sa nagpapatuloy na Malampaya Phase 4 drilling project

Nagsagawa ng fly-by si Pangulong Ferdinand R. Marcos Jr. sa nagpapatuloy na Malampaya Phase 4 drilling project na ayon sa pamahalaan ay isang mahalagang hakbang upang palawakin ang suplay ng likas na yamang enerhiya ng bansa.

Lulan ng Bell 412 presidential helicopter si Pangulong Marcos kasama ang bagong appoint na si Energy Secretary Sharon Garin nang inspeksyunin ang Malampaya Phase 4 Project sa Palawan Island.

Habang lulan ng chopper, nasa ibaba naman ang mga crew ng 7th-generation drillship Noble Viking na nagsasagawa ng drilling activities sa lugar.

Layunin ng proyekto na patatagin ang energy security ng Pilipinas at matiyak ang tuloy-tuloy, sapat, at abot-kayang kuryente para sa mamamayan. (DDC)