Pulis na nagwala sa Lucena City mahaharap sa patong-patong na kaso

Tiniyak ng Police Regional Office Calabarzon ang pagsasampa ng patong-patong na kaso laban sa isang lasing na pulis na nag-viral matapos manakot, manutok at magpaputok ng baril sa Lucena City, Quezon.

Ayon kay PRO Calabarzon Regional Director Jack Wanky, mahaharap ang suspek na pulis sa mga kasong Grave Threats, Unjust Vexation, Physical Injury at Illegal Discharge of Firearms.

Sasampahan sin sya ng kasong administratibo na “Conduct Unbecoming of a Police Officer” at sisiguraduhin natin na siya ay matatanggal sa serbisyo.

Sinabi ni Wanky na kinokondena ng PRO Calabarzobn ang anumang maling gawain ng sinumang miyembro ng kanilang hanay, lalo na kung ito ay nagdudulot ng takot at panganib sa mga mamamayan.

Ang pulis na sangkot ay kasalukuyan nang nakakulong na sa Lucena City Component Police Station. (DDC)