P1.1M na halaga ng shabu nakumpiska sa Montalban, Rizal; 3 arestado

Arestado ang tatlong katao sa ikinasang buy-bust operation ng mga otoridad sa Montalban, Rizal.

Huli ng pinagsanib na pwersa ng Rodriguez Police at Philippine Drug Enforcement Agency (PDEA) ang mga suspek na sina alyas “Didog”, 47 anyos, at isang High-Value Individual (HVI); alyas “Mentong”, 44 anyos; at si alyas “Joy”, 32 anyos.

Nakumpiska sa mga suspek ang tinatayang 172 gramo ng hinihinalang shabu na nagkakahalaga ng P1,169,600.

Nakumpiska rin mula kay “Didog” ang isang caliber .22 na baril, magazine, at dalawang bala.

Dinala na ang mga suspek sa Rizal Provincial Forensic Unit para isailalim sa drug test habang isasailalim naman sa forensic examination ang mga nakumpiskang ebidensya. (DDC)