Pinay na nasugatan sa missile attack sa Iran, pumanaw sa ospital sa Israel

Kinumpirma ng Philippine Embassy sa Israel ang pagkasawi ng isang 49-anyos na Pinay caregiver matapos ang natamo nitong pinsala nang tamaan ng Iranian missile ang tinutuluyan niyang apartment noong June 15.

Sa pahayag ng embahada, umaga ng Linggo, July 13 nang pumanaw si Leah Mosquera na taga-Negros Occidental.

Halos isang buwan sa Shamir Medical Center ang Pinay kung saan siya sumailalim sa multiple surgeries at nanatili sa Intensive Care Unit.

Nagpaabot ng pakikiramay ang embahada sa mga naulila ni Mosquera.

Inaasikaso na ng embahada ang repatriation para sa agarang pag-uwi ng mga labi ni Mosquera sa Pilipinas. (DDC)