BOC nagbabala sa publiko, pekeng FB accounts gamit ang pangalan at logo ng ahensya dumarami

Binalaan ng Bureau of Customs (BOC) ang publiko sa dumaraming pekeng Facebook page at accounts gamit ang pangalan, logo at branding ng agensya.

Ayon sa ahensya, ginagamit ang mga pekeng account para makapangbiktima sa pamamagitan ng pagpapadala ng mensahe, pag-reply sa comments, at pagpapanggap bilang lehitimong BOC account.

Paalala ng BOC sa publiko, maging maingat sa pakikipag-ugnayan sa nasabing mga account at huwag basta-basta magbibigay ng kanilang personal na impormasyon.

Gumagawa na ng hakbang ang BOC upang mai-report at mapatanggal ang mga pekeng accounts. (DDC)