Mayor Aguilar agad nakiramay at tumulong sa pamilya ng batang namatay sa baha sa Las Piñas City

Agarang nagpunta kahapon si Mayor April Aguilar sa pamilya ng isang taong gulang na bata na nasawi dahil sa nagdaang pagbuhos ng ulan na nagdulot ng pagbaha sa lungsod.

Minabuti ni Mayor April na personal na malaman ang kalagayan ng pamilya at upang maiabot din niya ang tulong na kinakailangan nito.

Sinuguro din ng Punong Lungsod na wala ng iintindihin ang pamilya mula sa bayarin sa ospital hanggang sa pagpapalibing sa biktima maging ang pang araw-araw na pangangailangan ng pamilya.

Inatasan din ni Mayor April ang close monitoring ng mga doktor mula sa City Health Office sa pamilya Delos Reyes maging ang pagbibigay ng assistance ng nga Social Workers ng lungsod.

Pinaalala din ni Mayor Aguilar na ang Pamahalaang Lungsod ay palaging nakabukas sa mga kababayan niyang Las Piñero upang umalalay ay magbigay ng tulong sa mga nangangailangan. (Bhelle Gamboa)