Pagkontrol sa inflation pangunahin isyu na dapat talakayin sa SONA ni PBBM – Pulse Asia

Ang pagkontrol sa inflation ang pangunahing nais na marinig ng sambayanan sa idaraos na State of the Nation Address o SONA ni Pangulong Ferdinand Marcos Jr.

Sa resulta ng nationwide Pulse Asia Survey, 32.9 percent ng mga respondent ang nagsabing “inflation” ang pangunahing concern na dapat tugunan sa SONA sa July 28.

Ang iba pang isyu na nais ng mga respondent na matalakay ng pangulo ay ang pagtaas ng sahod – 13.6 percent, peace and order – 13,2 percent, pagpapalawig ng employment at oportunidad sa livelihood – 9.8 percent, at kahirapan at kagutuman 7.4 percent.

Ang iba pang problemang panlipunan na lumabas sa survey ay ang usapin sa agrikultura, tulong-pinansyal, korapsyon, pagpapauwi kay dating Pangulong Rodigo Duterte, pagprotekta sa West Philippine Sea, edukasyon, at hustisya.

Ginawa ang survey sa pamamagitan ng face-to-face interviews sa 1,200 respondents na edad 18 pataas. (DDC)