Drug suspects arestado sa higit ₱680K na halaga ng ‘shabu’ sa Parañaque City
Naaresto ng Parañaque City Police Station ang dalawang drug suspects at nakumpiska ang higit ₱680,000.00 na halaga ng umano’y shabu at hindi lisensiyadong baril sa kasagsagan ng buy-bust operation sa Saint Joseph Street, Barangay Moonwalk sa nasabing lungsod.
Kinilala ni Paran̈aque CPS Officer-in-Charge, Col Nicolas Salazar Piñon ang mga naarestong suspek na sina alyas Ian, 33-anyos, at alyas Makud, 35-anyos.
Sa operasyon na ikinasa ng mga tauhan ng Station Drug Enforcement Unit (SDEU) naaktuhan umano ang dalawang suspek na nagbebenta ng ilegal na droga sa poseur buyer na nagresulta ng kanilang agarang pagkaaresto.
Nakumpiska ng otoridad ang hinihinalang ilegal na droga, marked buy-bust money, coin purse, digital weighing scale, Android phone, caliber .45 pistol na walang serial number, at magazine na naglalaman ng apat na bala.
Inihahanda ng otoridad ang pagsasampa ng kasong paglabag sa
Comprehensive Dangerous Drugs Act of 2002 at Illegal Possession of Firearms and Ammunition laban sa mga suspek sa Parañaque City Prosecutor’s Office.
Pinuri naman ni BGen Randy Y. Arceo, Acting District Director ng SPD ang mga operatiba ng Paran̈aque CPS sa matagumpay na operasyon.
“This successful operation is a testament to the Southern Police District’s intensified anti-illegal drugs campaign and our continued efforts to implement intelligence-driven policing. We will not relent in our mission to rid our communities of the drug menace and ensure that our streets remain safe and secure for every citizen,” pahayag ni BGen Arceo. (Bhelle Gamboa)
