P143M inilaan para sa pagbili ng Smart TV sa bawat silid aralan ng Kindergarten sa Maynila

Lalagyan ng Smart TV ang bawat silid-aralan ng mga Kindergarten sa Maynila.

Ayon kay Manila Mayor Francisco “Isko Moreno” Domagoso, inaprubahan ng Manila City School Board ang resolusyon para i-realign ang P143 million na Special Education Funds at mailaan sa mga silid-aralan ng mga Kindergarten.

Gagamitin ang budget para sa pagbili ng Smart TVs, laptops, tablet armchairs, at workbooks para sa mga Kinder classrooms.

Tiniyak ng alkalde na lahat ng 397 na silid aralan ay makatatanggap ng laptop na magagamit ng mga guro sa digital-assisted learning.

Ayon kay Domagoso, makatutulong ito para mas mapalakas pa ang reading at basic education. (DDC)