IKEA iniutos ang recall sa produkto nilang “Garlic Press”; maliliit na piraso ng metal maaaring humalo sa pagkain

Iniutos ng IKEA ang agarang recall sa produkto nilang “365+ Vardefull Garlic Press”.

Ayon sa abiso ng IKEA, sa ginawa nilang internal investigation nagkaroon ng production error sa nasabing produkto at mayroong maliliit na piraso ng metal ang maaaring sumama sa pagkain.

Apektado ng recall ang mga mayroong date stams na 2411 hanggang 2522.

Ayon naman sa abiso ng Department of Trade and Industry (DTI) aabot sa 1,044 na units ng nasabing produkto ang naibenta sa Pilipinas.

Pinapayuhan ang mga costumer na nakabili na agad ihinto ang paggamit ng produkto at ibalik ito sa IKEA para sa full refund. (DDC)