Las Piñas City Rep. Santos lumiham sa DPWH kasunod ng matinding pagbaha

Kaagad na kumilos si Las Piñas City Representative Mark Anthony G. Santos upang hanapan ng solusyon ang baha sa ilang lugar sa lungsod.

Ngayong Miyerkules, Hulyo 9, 2025, pormal na nagsumite ng liham si Congressman Santos sa Department of Public Works and Highways (DPWH) upang hilingin ang komprehensibong pagsusuri at agarang aksyon sa matinding pagbaha sa ilang bahagi ng Las Piñas.

Hiniling ng kongresista ang report sa sanhi ng baha, technical assessment sa mga drainage systems, waterways, infrastructure at konkretong mga rekomendasyon para sa agarang solusyon—sa pakikipagtulungan ng lokal na pamahalaan at mga national agencies.

“Hindi natin hahayaan na taun-taon ay tinitiis ng mga taga-Las Piñas ang panganib at abalang dulot ng baha. Tuloy ang laban para sa isang ligtas, maayos, at makataong siyudad,” pahayag ng kongresista. (Bhelle Gamboa)