Pinoy seafarers pinaalalahanan ng DMW sa kanilang “rights to refuse sailing” kung ang barko ay dadaan sa high-risk areas

PINOY SEAFARERS PINAALALAHANAN NG DMW SA KANILANG “RIGHTS TO REFUSE SAILING” KUNG ANG BARKO AY DADAAN SA HIGH-RISK AREAS

Ipinaalala ng Department of Migrant Workers (DMW) sa mga Pinoy seafarers na pwede silang tumanggi kung ang kanilang barko ay maglalayag sa itinuturing na ‘high-risk, war-like’ areas partikular sa Red Sea at Gulf of Aden.

Ayon kay Migrant Workers Secretary Hans Leo J. Cacdac, ang mga Pinoy seafarer ay mayroong “rights to refuse sailing” at dapat ding naibibigay sa kanila ang impormasyon sa ruta ng kanilang barko.

Ginawa ni Cacdac ang paalala kasunod ng panibagong pag-atake ng Houthi rebels sa Red Sea sa dalawang barko na MV Eternity C at MV Magic Seas na kapwa mayroong mga crew na Pinoy.

Ayon kay Cacdac, ang mga Pinoy seafarers ay maaaring masumite ng “Confirmation of Refusal to Traverse the Red Sea, or Gulf of Aden” sa kanilang Licensed Manning Agency at pwede rin nila itong i-report sa DMW Seabased Accreditation Bureau. (DDC)