Katanggap-tanggap na sahod para sa mga manggagawa panawagan ng CBCP

Nanawagan ang Catholic Bishops’ Conference of the Philippines (CBCP) ng katanggap-tanggap na pasahod sa mga manggagawang Pilipino.

Sa Pastoral Letter na inilabas ng CBCP matapos ang plenary assembly sa Anda, Bohol, sinabi ng mga Obispo na ang natatanggap na sweldo ng mga manggagawa sa bansa ay mababa kung ikukumpara sa kanilang living wages.

Marami umanong manggagawa ang hirap masuportahan ang pangangailangan nila t kanilang pamilya.

Umapela ang CBCP sa pagkakaroon ng dayalogo sa pagitan ng mga empleyado, employers at gobyerno para mapagpasyahan ang pagbibigay ng nararapat na pasahod sa mga manggagawa.

Maliban dito, ipinanawagan din ng CBCP ang maayos na pagtrato sa mga empleyado kabilang ang pagtitiyak na ila ay mayroong security of tenure sa pinapasukang kumpanya. (DDC)