3.648 kilo ng shabu nasamsam ng BuCor sa mga kulungan sa bansa

Dahil sa maigting na mga hakbang upang labanan ang ilegal na droga, ang Bureau of Corrections (BuCor) sa ilalim ng liderato ni Director General Gregorio Pio P. Catapang Jr. ay nakakumpiska ng 3,648.0268 na gramo ng methamphetamine hydrochloride o shabu at 60.3141 gramo ng cannabis mula sa mga operating prison and penal farm sa bansa magmula nang umupo siya sa puwesto sa nakalipas na tatlong taon.

Base sa datos ng Bucor, sinabi ni Catapang na ang mga nakumpiskang ilegal na droga ay sakop ng Oktubre 2023 hanggang sa kasalukuyan mula sa lima sa pitong OPPF sa bansa kabilang ang New Bilibid Prison – 2166.2705 grams ng shabu at 58.6001 ng cannabis; Sablayan Prison and Penal Farm (SPPF) – 26.7488 grams ng Meth ; Leyte Regional Prison – 8.7621 grams ng Meth; Davao Prison and Penal Farm – 410.2696 grams ng Meth at 1.7140 ng cannabis; at San Ramon Prison and Penal Farm – 1032.7887 grams ng Meth.

Wala namang naiulat na bagong nakumpiskang items mula sa Iwahig Prison and Penal Farm at Correctional Institution for Women.

“These figures are not just numbers, they represent a concerted effort to curb the flow of illegal drugs into facilities designed for rehabilitation rather than further entrenchment in criminal behavior,” pahayag ni Catapang.

Ayon pa kay Catapang ang mga tagumpay naa ito ay sa pamamagitan ng greyhound o galugad operations, mahusay na monitoring at istriktong inspection protocols na ipinapatupad sa mga pasilidad ng Bucor.

Sa SPPF kung saan 461 PDLs kasama ang 122 na dayuhan na karamihan ay nahatulan sa kasong droga na pawang nakakulong sa Pasugui-Sub Prison kung saan iniulat ni Catapang na nakatuon sa security operations ng Task Force “Sanib Pwersa” kasama rito ang Bucor, Philippine National Police, Philippine Drug Enforcement Agency, National Bureau of Investigation at National Intelligence Coordinating Agency na nakalatag na at naghihintay lamang ng deployment ng karagdagang 75 na tauhan upang makumpleto ang 150 na bubuo sa TG PNP na unang ipinangako ng NHQ-PNP.

Ibinunyag din ng opisyal sa nakatuong operasyong pangseguridad ng TF “SANIB-PWERSA” na kasama ang hakbang ng BuCor sa pagkabit ng mga pinakabagong modelo ng CCTV System, Under Vehicle Surveillance System, at Full-Body Scanner Security System sa Pasugui Sub-Prison- kung saan walang naiulat na nakumpiskang mga ilegal na droga sa nakalipas na mga buwan na katunayang napigilan ang pagpasok o pagpulist ng shabu sa naturang compound.

Sa mahigpit na screening ng mga pumapasok na bisita sa lahat ng OPPF, nilalayon ng Bucor na mabawasan ang mga tsansa ng ilegal na droga na makaabot sa kamay ng mga inmates.

Lahat ng nakumpiskang ilegal na droga ay tinurn-over sa PDEA para sa wastong disposisyon.

Sa kabila ng tagumpay, idinagdag ni Catapang na ang pakikipaglaban sa ilegal na droga sa loob ng pambansang mga piitan ay nananatiling maraming hamon magmula sa kasanayan ng mga taong determinadong magpuslit ng droga sa mga pasilidad kung saan patuloy itong banta kung kaya kailangang mapanuri at madaling makibagay ang BuCor.

Noong 2024,bumili ang BuCor ng dalawang full-body scanners na nakadisenyong madetect ang mga kontrabandong nakatago sa mga damit, nilunok, at katawan na bahagi sa istratehiyang pagandahin ang seguridad at transparency sa mga pasilidad gayundin maaalis nito ang kailangan para sa strip searches at manual cavity checks. (Bhelle Gamboa)