25 pang Pinoy mula Israel nakauwi na ng bansa

Dumating sa bansa ang dalawampu’t lima (25) pang overseas Ffilipino workers (OFWs) mula sa Israel.

Ayon sa Department of Migrant Workers (DMW) umabot na sa kabuuang 72 na OFW ang nakauwi sa bansa matapos mag-avail ng voluntary repatriation program ng gobyerno dahil sa Israe-Iran conflict.

Personal na sinalubong ni DMW Secretary Hans Leo J. Cacdac at Overseas Workers Welfare Administration (OWWA) Administrator Patricia Yvonne Caunan ang mga umuwing OFW sa kanilang pagdating sa NAIA Terminal 3 gabi ng Linggo, July 6.

Ayon sa DMW, ang mga umuwing OFW ay pagkakalooban ng karampatang tulong ng pamahlaan kabilang ang tulong-pinansyal na kanilang magagamit pansamantala habang naghahanap ng panibagong trabaho.

Tulong-tulong din ang iba’t ibang ahensya ng gobyerno sa pagbibigay ng reintegration at welfare assistance sa mga umuwing OFW kabilang ang DSWD, DOH, at TESDA. (DDC)