Diocesan Shrine and Parish of St. Therese of the Child Jesus sa Antipolo itinalaga bilang national shrine

Itinalaga bilang isang national shrine ang Diocesan Shrine and Parish of St. Therese of the Child Jesus sa Antipolo City.

Ang pag-angat ng status ng simbahan ay ginawa ng Catholic Bishops’ Conference of the Philippines (CBCP) at inaprubahan sa idinaos na three-day plenary assembly ng mga obispo.

Ang St. Therese Parish ang naging ikalawang national shrine sa diocese ng Antipolo kasunod ng Shrine of Our Lady of Aranzazu sa San Mateo, Rizal.

Sa Rizal diocese din matatagpuan ang kauna-unahan at nag-iisang international shrine sa bansa – ang Antipolo Cathedral.

Ang isang national shrine ay kinikilala sa taglay nitong historical, spiritual o cultural significance. (DDC)