P8.6M na halaga ng smuggled na yosi nakumpiska sa Davao City
Nakumpiska ng mga tauhan ng Police Regional Office 11 ang mahigit P8.6 million na halaga ng smuggled na sigarilyo sa Davao City.
Ang 431 master cases ng smuggled na yosi ay nasabat ng mga otoridad sa Purok 19, Cabanes Road, Brgy. Ilang kasunod ng natanggap na report hinggil sa abandonadong mga sigarilyo sa isang warehouse.
Maliban sa sigarilyo, natagpuan din sa warehouse ang isang kalibre 45 na baril, P5,000 halaga ng shabu, at iba pang kagamitan.
Dinala na sa Bureau of Customs – Port of Davao ang nakumpiskang mga sigarilyo habang ang ilegal na droga ay dinala sa Davao City Forensic Unit 11 para sa forensic examination. (DDC)
