PRB Secretariat Division ng PRC sa PICC sarado sa publiko; 4 na empleyado nagpositibo sa COVID-19

Hindi muna tatanggap ng walk-in clients sa PRB Secretariat Division ng Professional Regulation Commission (PRC) sa PICC, Pasay City.

Ayon sa abiso ng PRC, sarado sa publiko ang naturang tanggapan hanggang sa January 22, para makapagsagawa ng disinfection.

Ito ay makaraang apat na empleyado ng PRC – PRB Secretariat Division ang magpositibo sa COVID-19.

Sinabi ng PRC na nakasailalim na istriktong quarantine ang apat na empleyado gayundin ang mga nagkaroon ng exposure sa kanila.

Pansamantala, magpapatupad muna ng work-from-home arrangement sa RC – PRB Secretariat Division. (D. Cargull0)