19 na bagyo aasahang papasok o mabubuo sa loob ng PAR sa nalalabing 6 na buwan ng taon

Inaasahan na aabot sa hanggang labingsiyam (19) na bagyo ang maaaring mabuo o pumasok ng Philippine Area of Responsibility (PAR) sa nalalabing animna buwan ngayong taong 2025.

Ayon sa climatological tracks ng PAGASA, ang buwan ng Hulyo at Agosto ay parehong magkakaroon ng dalawa (2) hanggang tatlong (3) bagyo na mabubuo o papasok ng PAR.

Dalawa (2) hanggang apat (4) na bagyo naman ang maaaring pumasok o mabuo sa loob ng bansa para sa mga buwan g Setyembre at Oktubre.

Dalawa (2) hanggang tatlong (3) bagyo din sa buwan ng Nobyembre at isa (1) hanggang dalawang (2) bagyo sa Disyembre.

Ang pagtaya na ito ay base sa 185th Climate Outlook Forum na isinagawa ng ahensya kamakailan. (DDC)