Mga nakumpiskang sibuyas mula China, positibo sa E. Coli at Salmonella ayon sa DOH

Kinumpirma ng Department of Health (DOH) na ositibo sa E. Coli at Salmonella ang mga nakumpiskang smuggled na sibuyas galing ng China.

Nakumpiska ng Bureau of Customs at Department of Agriculture ang mahigit P14 million na halaga ng ipinuslit na sibuyas na bahagi ng iba pang smuggled na agricultural products na ininspeksyon ng mga otoridad sa Port of Manila.

Sinabi ni DOH Secretary Teodoro herbosa, ang smuggled na pagkain ay banta sa kalusugan dahil sa posibleng kontaminasyon ng mikrobyong maaaring magdulot ng pagdudumi, dehydration, at posibleng pagkamatay.

Isinagawa ang inspeksyon sa anim na 40-foot container kung saan natagpuan din ang humigit-kumulang P20 million na halaga ng frozen mackerel.

Tiniyak ng DOH na ginagawa ng Food and Drug Administration (FDA) ang lahat para masigurong ligtas ang mga pagkaing naibebenta sa merkado. (DDC)