P3.627B na pondo para sa Rural Electrification Program aprubado na ng DBM

Inaprubahan ng Department of Budget and Management (DBM) ang pagpapalabas ng P3.627B na budget para sa rural electrification program ng gobyerno

Ayon kay DBM Sec. Amenah Pangandaman, layon ng naturang pondo na masuportahan ang pagpapatupad ng Strategized Rural Electrification and Operational Reliability for Electric Cooperatives (ECs) para sa taong 2025.

Ang pondo ay gagamitin ng National Electrification Administration (NEA) para matiyak na masusuplayan ng kuryente ang 1,725 na mga sitio at limang (5) mga liblib na barangay.

Kasama sa programa ang mabigyan ng internet connection ang mga paaralan na nasa malalayong lugar.

Bahagi din ng programa ang pagbili at pamamahagi ng 4,000 units ng Solar Photovaltaic Mainstreaming upang mabigyan ng suplay ng kuryente ang mga komunidad na walang access sa anumang power sources. (DDC)