Panukalang batas na gawing tatlong taon na lang ang College education, inihain ni Sen. Sherwin Gatchalian

Naghain ng panukalang batas si Senate Committee on Basic Education Chairperson Sen. Sherwin Gatchalian na layong paiklliin ang college education sa bansa.

Sa ilalim ng panukala mula sa kasalukuyang apat na taon na pag-aaral sa kolehiyo ay gagawing na lamang itong tatlong taon.

Ayon kay Gatchalian, maaaring ilagay na sa Senior High School ang mga general education subjects, habang major subjects agad ang aaralin pagpasok ng kolehiyo.

Ayon sa senador, standard na sa maraming mga bansa ang three-year college education gaya na lamang sa United Kingdom, Canada at Australia.

Kung maisasabatas, mawawala na aniya ang redundancy sa kasalukuyang kurikulum at matutulungan ang mga estudyante na maka-focus sa specialization at soft skills gaya ng critical thinking, communication, at collaboration. (DDC)