5 patay, 20 sugatan sa aksidenteng kinasangkutan ng dump truck sa Silay City, Negros Occidental

Patay ang limang katao makaraang mawalan ng control ang driver sa minamaneho niyang mini dump truck sa Silay City, Negros Occidental.

Nangyari ang aksidente passado alas 10:00 ng umaga ng Biyernes, June 27 sa San Juan Paho, Brgy. Guimbalaon.

Ayon sa Silay City Disaster Risk Reduction and Management Office (SCDRRMO) sakay ng mini dump truck a pag-aari ng City government ang mga empleyado ng City Hall na dadalo sana sa isang tree-planting activity.

Sa imbestigasyon ng Silay City Police Station, nawalan umano ng preno ang dump truck at tumagilid ito.

Karamihan sa mga sakay ng truck ay tumilapon at ang iba ay naipit pa sa sasakyan.

Tumulong naman ang Philippine Red Cross (PRC) para mabigyan ng first aid ang mga nasugatan habang ang iba ay agad dinala sa pinakamalapit na pagamutan. (DDC)