DOH nagbabala sa ilegal na pagbebenta ng kidney

Maaaring ikamatay ang ilegal na pagbebenta ng kidney.

Ito ang babala ng Department of Health (DOH) kasabay ng paggunita sa National Organ and Blood Donation Awareness Week.

Ayon sa DOH, ang pagbebenta ng kidney o anumang bahagi ng katawan ay labag sa batas at mapanganib para sa nagbenta at tumanggap nito.

Kabilang sa panganib ang posibleng pandaraya sa resulta ng eksaminasyon para palabasin na malusog ang donor ng organ kahit na mayroon silang umiiral na isyung medical.

May mga naloloko ding nagbebenta ng kidney na pagkatapos ng operasyon ay hindi sila binabayaran o kulang ang natatanggap nilang kabayaran.

Maituturing ayon sa ahensya na “Organ Trafficking” ang pagbili at pagbenta ng organ ng isang tao.

Ayon sa DOH, mayroong legal na pamamaraan ng Organ Donation at ito ay sa pamamagitan ng pagpaparehistro sa LifeLine Organ Donor Card.

Maaaring magparehistro sa http://philnos-donorcard.doh.gov.ph o sundan ng LifeLine PHL Facebook page. (DDC)