Mahigit 14,000 residente ng San Juan nagpatala na para sa COVID-19 Vaccination program ng lungsod

Mayroong mahigit 14,000 nang nagpalista sa COVID-19 Vaccination Registration sa San Juan City.

Ayon kay San Juan City Mayor Francis Zamora, patuloy na dumadami ang mga residenteng nais magpabakuna.

Pinakamaraming nagpatala ay mula sa Brgy. Greenhills na umabot na sa 1,907.

Karamihan sa nagpatala ay edad 30 hanggang 59 anyos.

Hinimok ni Zamora ang iba pang mga residente ng lungsod na magpalista na para sa vaccination program.

Layon aniya nitong proteksyunan ang sarili pati na rin ang mga mahal sa buhay.

Para sa mga nais magpalista, maaring magtungo barangay hall o health center.

Maari ding bisitahin ang link na http://bit.ly/3oP8F8U o i-scan ang QR Code. (D. Cargullo)