Pagsisikip sa daloy ng traffic aasahan sa NLEX bukas dahil sa idaraos na Commencement Exercises ng New Era University

Naglabas ng abiso ang pamuuan ng North Luzon Expressway sa posibleng pagsisikip sa daloy ng traffic na mararanasan sa Biyernes, June 20.

Ayon sa abiso, idaraos ng 50th Commencement Exercises ng New Ear University sa Philippine Arena sa Bulacan.

Ang aktibidad ay mula 5:00 ng umaga hanggang 2:00 ng hapon.

Pinayuhan ng NLEX ang mga motorista na tiyaking ay sapat na load ang kanilang Easytrip RFID.

Mas mainam din kung maglaan ng dagdag na oras sa pagbiyahe.

Ang mga dadalo sa aktibidad ay pinapayuhan na gamitin ang NLEX Ciudad de Victoria exit, habang ang mga motorista na patungo sa Bocaue at Santa Maria, Bulacan ay maaaring mag-exit sa Marilao, Bocaue o Tambubong. (DDC)