Tulong ng DSWD sa mga apektado ng pag-aalburuto ng Mt. Kanlaon, umabot na sa mahigit P189M

Umabot na sa mahigit P189 million na halaga ng tulong ang naipagkaloob ng Department of Social Welfare and Development (DSWD) sa mga pamilyang naapektuhan ng pag-aalburuto ng Bulkang Kanlaon.

Sa datos ng DSWD, umabot na sa P189,076,696 ang kabuuang halaga ng humanitarian assistance ang naibigay sa mga apektadong pamilya.

Nakapagtala ng ahensya ng 24,466 na pamilyang apektado ng pag-aalburuto ng bulkan o katumbas ng 94,231 na katao.

Mayroon pang 1,885 na pamilya ang pansamantalang nanunuluyan sa evacuation centers.

Habang 3,293 na pamilya ng lumikas din at pansamantalang nakikitira sa kanilang kaanak. (DDC)