DIY Water Catchment System Contest inilunsad ng San Juan City LGU

Bilang bahagi ng selebrasyon ng 18th San Juan Cityhood Anniversary, inilunsad ng San Juan City Local Government Unit ang “Do-It-Yourself Water Catchment System Contest”.

Layunin nitong isulong ang sustainable at practical water conservation.

Bukas ang contest sa lahat ng residential households, business establishments, at government institutions, na kayang makagawa ng sarili nilang functional water catchment systems.

Ipinakita din ni San Juan City Mayor Francis Zamora ang water catchment system na ginawa ng City Government na may kakayahang makapag-ipon ng tubig ulan na kalaunan ay maaaring magamit sa pagdidilig ng mga pananim.

Ang premyo para sa Household Category ay nasa P10,000 hanggang P30,000.

Habang para naman sa Commercial at Government Institutions ang premyo ay P15,000 hanggang P50,000. (DDC)