300 pang PDLs ng Bilibid inilipat sa kulungan sa Occidental Mindoro

Inilipat ng Bureau of Corrections (BuCor) ang 300 persons deprived of liberty (PDLs) mula sa New Bilibid Prison (NBP) sa Muntinlupa City patungong Sablayan Prison and Penal Farm sa Sablayan, Occidental Mindoro.

Ayon kay Bucor Director General Gregorio Pio P. Catapang Jr. na umabot na sa kabuuang 11,227 na PDLs mula sa NBP ang nailipat sa iba pang operating prison and penal farms ng ahensiya.

Naging matagumpay ang pagtransfer sa mga PDLs sa tulong ng 100 na Corrections Officers kasama ang mga miyembro ng Escort Unit, BuCor SWAT, at medical personnel.

Binigyang-diin ni Catapang ang kolaborasyon mula sa Philippine National Police (PNP) Muntinlupa, PNP Highway Patrol Group, at local maritime at coast guard services upang tiyakin ang maayos at seguridad ng transition.

Idinagdag pa nito na ang ganitong koordinadong mga hakbang ay hindi lamang sa kaligtasan ng PDLs kundi napananatili rin nito ang kaayusang pampubliko sa mga katulad na operasyon. (Bhelle Gamboa)