La Trinidad LGU itinangging may kumpirmado nang kaso ng MPox sa bayan

Nilinaw ng lokal na pamahalaan ng La Trinidad, Benguet na wala pang kumpirmadong kaso ng MPox sa munisipalidad.

Kasunod ito ng mga kumakalat na balita sa La Trinidad na mayroon nang kaso ng MPox doon.

Ayon sa pahayag ng La Trinidad LGU, sa ngayon ay nagsasagawa ng verification process ang mga kinauukulan para maimbestigahan ang napapabalitang suspected MPox case.

Pinaalalahanan ng LGU ang mga residente na patuloy na maging maingat at sundin ang health and safety protocols.

Kabilang dito ang mga sumusunod:

– palagiang paghuhugas ng kamay
– regular na paggamit ng hand sanitizer o 70% alcohol
– palakasin ang immune system sa pamamagitan ng pagkain ng masusustansyang pagkain. (DDC)