Oklahoma City Thunders pasok na sa NBA Finals; unang pagkakataon sa nakalipas na 13-taon

Pasok na sa finals ng NBA ang Oklahoma City Thunders.

Ito ang unang pagkakataon na uling makakasabak sa finals ang nasabing koponan makalipas ang 13-taon.

Ito ay makaraang itanghal na kampeon ang Thunders sa NBA Western Conference Finals.

Tinalo ng Thunders sa Game 5 ng NBA Western Conference ang Minnesota Timberwolves sa score na 124-91.

Itinanghal naman na MVP para sa Western Conference Finals si Shai Alexander Gilgeous makaraang makapagtala ng 34 points, 7 rebounds at 8 assists.

Nagtala din ng record sa kasaysayan ng NBA ang Thunders makaraang tambakan ng 33-points ang Timberwolves sa pagtatapos ng 2nd Quarter ng game.

Ito ang pinakamalaking halftime lead sa kasaysayan ng franchise playoff.

Ang magwawagi sa Eastern Conference Finals ang makakalaban ng Thunders sa NBA Championship. (DDC)