68-anyos na lolo sa Lapu-Lapu City nakatanggap ng P20,000 matapos magpatuli
Isang 68-anyos na lolo ang tumugon sa panawagan ng lokal na pamahalan ng Lapu-Lapu City sa Cebu sa mga hindi pa tuli na kalalakihan sa lungsod.
Sa Facebook post ni Lapu-Lapu City Mayor Junard Chan, nakatanggap ang lolo ng P20,000 na insentibo matapos niyang harapin ang takot sa pagpapatuli.
Ayon kay Chan, maswerte pa si lolo dahil ang nagsagawa ng kaniyang operasyon ay si Dr. Emilio Galaroza at ang nagsilbing nurse ay si Ms. Lapu-Lapu City Jamie Javier.
Inilunsad ng Lapu-Lapu City LGU ang Libreng Tuli sa lungsod kung saan ang mga magpapatuli ay bibigyan ng libreng Ice Cream at libreng Jollibee.
Para sa mga edad 20 anyos pataas na magpapatuli, bibigiyan pa sila ng P10,000 na insentibo.
Pero dahil 68-anyos na si lolo, doble ang kaniyang insentibo! (DDC)
