Kumpanyang BF Corporation inalis ng DOTr bilang contract ng Common Station Project

Nagpalabas ng Notice of Termination and Department of Transportation (DOTr) laban sa BF Corporation and Foresight Development and Surveying Company (BFC-FDSC) ang kumpanyang contractor ng ginagawang Common Station Project.

Ang pag-terminate sa kontrata ng kumpanya ay bunsod ng labis na pagkaantala ng proyekto.

Ginawa ng DOTr ang hakbang matapos ang direktiba ni Pangulong Ferdinand Marcos Jr. na madaliin at kumpletuhin na sa lalong madaling panahon ang common station na nagsimula noon pang taong 2009.

Ayon kay Transportation Secretary Vince Dizon layunin ng Common Station, layunin ng proyekto na pagdugtungin ang LRT-1, MRT-3 at ang ginagawang MRT-7.

Marami na aniya sanang nakinabang na pasahero dito kung hindi patuloy na nade-delay ang proyekto.

Sa pag-terminate sa kontrata ng BFC-FDSC, inaasahan ni Dizon na mas mapapabilis na ang konstruksyon ng Common Terminal sa ilalim ng New Government Procurement Act o ang Public-Private Partnership (PPP) Code. (DDC)